Индербор кентінде АІІБ қызметкерлері жергілікті тұрғын С.-тың ауласынан бір киіктің төшкесі мен сегіз киіктің мүйізін тапты. Сонымен бірге қосауызды мылтық пен прожектор тәркіленіп алынды.
Индер аудандық прокуроры Алтынбек ЖҰМАБЕКОВТЫҢ хабарлағанындай, С.-ке қатысты ҚР ҚК-нің 339-бабы бойынша («Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу») қылмыстық іс қозғалған. Лабороториялық сараптама тағайындалып, сот алды тергеу-тексеру шаралары жүргізілуде.
Браконьерлер автокөліктеріне қуатты прожекторларды орнатып, киіктерді түнде аулауға жиі шығып тұрады.
Ләззат ҚАРАЖАНОВА