Атырау, 29 наурыз 15:35
 ашықВ Атырау +4
$ 448.15
€ 483.46
₽ 4.86

Ақпаннан бастап вокзалдарда жолаушылар мен жүктер тексерілетін болады

2 760 просмотра

Қазақстан вокзалдарында 1 ақпаннан бастап жолаушылар мен жүктерге тексеру жүргізіледі, - деп хабарлайды Tengrinews.kz тілшісі "Қазақстан темір жолы" ҰК" АҚ баспасөз қызметіне сілтеме жасап.

Компания өкілдерінің мәліметінше Қазақстанның 16 теміржол вокзалдарында жолаушыларды, қол жүктерді және багаждарды тексеру жүйесі енгізіледі. Тексеру процедурасы жолаушылардың қауіпсіздігін жоғарлату және антитеррористік қорғалуды қамтамасыз ету аясында ағымдағы жылдың 1 ақпаннан бастап іске қосылады.

"Тексеру процедурасы еліміздің вокзалдарында кезең кезеңмен енгізіледі. 1 ақпаннан бастап Алматы-1 мен Алматы-2, 1 сәуірде Астана вокзалында, ал қалған 13 теміржол вокзалдарында 1 маусымда ұйымдастырылады. Осыған байланысты 56 тексермелеу жабдық кешені сатып алынды", - дейді "ҚТЖ" ҰК" АҚ магистральдік желі дирекциясының вокзал шаруашылығы Департаментінің директоры Жұбан Көрпебаев.

Оның айтуынша, бұл орайда тексерісті өтіп, пойызға кешікпеу үшін жолаушылар вокзалдарға алдын ала келу қажет.

Мұның алдында ҚР ИДМ баспасөз қызметі 2017-2018 пойыздар кешіккенде ескерту жүйесі іске қосылатынын хабарлаған болатын.

Дереккөз: Tengrinews.kz

18 қаңтар 2017, 09:29

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.