Атырау, 29 наурыз 15:07
 ашықВ Атырау +4
$ 448.15
€ 483.46
₽ 4.86

Қызыл балық болсын, басқа болсын, бұл - бәрібір пара

3 345 просмотра

Атырау қалалық №2 соты Атырау қаласының тұрғынына қатысты пара бергені үшін үкім шығарды. Бұл Атырау қаласы бойынша Мемлекеттік кірістер басқармасы басшысының орынбасары Айгүл РЗАҒҰЛОВАНЫҢ ісімен байланысты, оған бұрынырақ пара алғаны үшін 5,6 миллион теңге көлеміндегі айыппұл түрінде жаза тағайындалған болатын («Рзағұловаға айыппұл жазасын берді»).

Сот материалдарында көрсетілгендей, өткен жылдың күзінде «ТанТехстрой» ЖШС директоры салық декларациясын уақытылы табыс етпегені үшін әкімшілік жазаға тартылған болатын. Одан бөлек, ЖШС-нің атына тіркелген банк есепшоттарына операциялар жүргізуге шектеулер қойылады. Сол кезде ЖШС директорының жолдасы Атырау қаласы бойынша Мемлекеттік кірістер басқармасы басшысының орынбасары А. Рзағұлованың кабинетіне кіреді. Басшы орынбасары қызыл балық әкелсе, мәселені шешіп беруге көмектесетінін айтады. Ер адам оның айтқанын істеп, оған 19,5 келі бекіре тұқымдас балықты береді.

- Сотталушы К. Ж. ҚР ҚК-нің 367-бабы 1-тармағы («Пара беру») бойынша кінәлі деп танылып, оған 606 762 теңге мөлшерінде айыппұл салу жазасы тағайындалды, - дейді Атырау қаласы прокуратурасының бөлім прокуроры Лаура АСАНОВА.

Ләззат ҚАРАЖАНОВА

9 қаңтар 2017, 11:19

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.