Нұрсая ықшамауданындағы пәтерлердің бірінен көптеген түйрелген-кесілген жарақаттар салынған ер адамның мүрдесі табылды. Біз комментарий алу үшін ІІД баспасөз қызметінің жетекшісі Гүлнәзира МҰХТАРОВАҒА хабарластық.
- Марқұмның жеке басы анықталды – ол Өзбекстанның Самарқанд облысының 56 жастағы азаматы, - дейді Г.Мұхтарова. – Тергеу-жедел тобы құрылып, көп еңбек етіп, үш күннен соң күдіктіні – хорезмдік 38 жастағы Өзбекстан азаматын анықтап, ұстады. Ол мойындау жауабын берді, ҚР ҚК-нің 99-бабы («Адам өлтіру») бойынша сотқа дейінгі тергеу жүргізілуде.
Мұрат СҰЛТАНҒАЛИЕВ