Түркияда жарылыс болды: 17 адам қаза тапты

Түркияның Хаккари провинциясы Шемдинли ауданындағы жандармерия күзет орны маңындағы миналанған көлікте болған жарылыстан кем дегенде 17 адам қаза тапты, - деп хабарлайды Tengrinews.kz сайты РИА Новости-ге сілтеме жасап.

Осыған дейін Түркия қарулы күштерінің бас штабындағылар сегіз адамның қаза тауып, тағы бес әскеридің зардап шеккенін хабарлаған болатын. Сондай-ақ, Түркияда тыйым салынған Күрдістан жұмыс партиясындағылар осы жарылысты ұйымдастырды деген күдіктің болғаны айтылды.

"Шемдинлиде болған жарылыстың салдарынан 17 адам қаза тапты, олардың тоғызы - әскерилер. Олардан басқа тағы 27 адам зардап шекті", - деп мәлімдеді Топрак телеарнаға берген сұхбатында.

Дереккөз: Tengrinews.kz