Никитенко «Атыраудан» кетті

«Атырау» ФК баспасөз қызметі хабарлағандай, «Ақтөбе» командасынан 0:1 есебімен жеңіліспен аяқталған 10-шы турдың матчтық ойынынан (9 мамыр) соң «Атырау» командасының бас бапкері Владимир НИКИТЕНКО өз еркімен жұмыстан кетуге өтініш берді.

Бүгін, 11 мамырда «Атырау» ФК басшылығы бұл өтінішті қабылдады. Клуб жаңа бас бапкерді іздестіруге кірісті. Бас бапкердің міндетін уақытша атқарушы болып Никитенконың көмекшісі Юрий КОНЬКОВ тағайындалды.

«“Атырау" футбол клубы бірлескен жұмысы үшін Владимир Андреевич Никитенкоға алғысын білдіреді және оған табыстар тілейді», - делінген баспасөз қызметінің мәлімдемесінде.