Құрманғазы аудандық соты қарақшылық жасады деп айыпталған Амангелді ауылының 21 жастағы тұрғынына үкім шығарды.
Қылмыстық істің материалдарына сәйкес, наурыздың 6-на қараған түні жас жігіт 70 жастағы кемпірдің үйіне басып кіріп, қолындағы арақ шөлмегімен есінен танғанша басынан бірнеше рет ұрған. Ессіз күйге түскенін пайдаланған қарақшы оның үстіндегі киімінің қалтасынан 33 мың теңге ақшасын алып кеткен. Сот-медициналық сараптамасы қарт әйелдің денсаулығына ауыр зиян келтірілгенін анықтады.
Құрманғазы аудандық прокурорының орынбасары Магилан РАХИМОВТЫҢ айтуынша, сотталушы ҚР ҚК 192-бабы 22-тармағының 3-ші және 4-ші тармақтары («Тұрғын үйге заңсыз кіріп, денсаулыққа ауыр зиян келтіріп жасалған қарақшылық») бойынша айыпты деп танылып, алты жылға бас бостандығынан айырылды.
Ләззат ҚАРАЖАНОВА