Атырау, 29 наурыз 05:16
 ашықВ Атырау +4
$ 448.15
€ 483.46
₽ 4.86

Ресей "Восточный" айлағынан алғашқы зымыранын ұшырды

1 373 просмотра

Фото: sputnik-news.eeРесей 28 сәуірде Амур облысында жаңадан салынған "Восточный" ғарыш айлағынан бірінші рет "Союз 2.1а" зымыран тасығышын ұшырды. Үш спутникті тіркеген зымыран тасығыш әуелде 27 сәуірде ұшырылуы тиіс болған. Бірақ ұшуға бірер минут қалғанда зымыранның автоматтық жүйесі ұшырылымды өздігінен тоқтатқан,- деп хабарлады Азаттық.

Зымыран Астана уақыты бойынша сағат 8:01-де ұшырылды. Зымыран ұшыруды Ресей президенті Владимир Путин бақылады. Ол Қиыр Шығысқа ұшырылымды бақылауға 27 сәуір күні барған. Алғашқы әрекет сәтсіз болған соң ол тағы бір күнге қалған.

Путин алғашқы әрекетте зымыранның ұшпай қалуына ғарыш саласының басшыларын қатаң айыптап, ғарыштық бағдарламада "кедергі мен іркілістер көп екенін" айтты.

Бірақ ол зымыранның сәтті ұшырылғанын мақтап, алғашқы ұшырылмның болмай қалуын "ғарыш саласындағы қалыпты техникалық ақау" деп атады. "Ең маңыздысы - ғарыш айлағы жұмыс істеп тұр" деді Путин.

"Восточный" ғарыш айлағы болашақта Ресейдің Қазақстанның Байқоңыр ғарыш айлағына тәуелділігін азайту үшін салынған.

Дереккөз: Аzattyq.org

28 сәуір 2016, 10:27

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.