Ағыспен арпалысқан ару

26 сәуірде сағат 17.15-те ТЖД-ге Курилкино саяжай поселкесінің маңындағы Жайықта әйел адамның жүзіп жүргендігі туралы хабарлама келіп түскен. Сол жерге үш құтқарушысы бар моторлы қайық жіберілді.

Құтқарушылар жеткен кезде, әйел өзен ортасындағы аралда үсті-басы су күйде отырған. Мас болғандықтан оған сөйлеу оңай болмады. Алайда жасы 33-те екендігі, Авангардтағы 2-ші ықшамауданда тұратындығы, Жайықтан жүзіп өтем деп 50 саптыаяқ сыраға бәстескені анықталды. Айта кету керек, көктемгі су тасқыны қызған шақта, күшті ағыс пен су деңгейі көтерілген кезде ол басын қатерге тіккен еді.

Жанкешті жүзгіш келген полиция жасағына табыс етілді.