Сырт алаңда тең ойын – жаман бастама емес

12 наурызда футболдан XXV Қазақстан чемпионаты басталды. Бірінші турда «Атырау» командасы сырт алаңда талдықорғандық «Жетісумен» кездесіп, 1:1 есебімен тең ойнады.

Ойынның 21-минутында жартылай қорғаушы Ұлан ҚОНЫСБАЕВ дәл соққымен «Атырауды» алға шығарды. Алаң иелері 66-минутта есепті теңестірді, голды Тұрысбек БАУЫРЖАН салды. Бұдан кейін таблодағы есеп өзгермеді.

Естеріңізге салсақ, өткен мусымда «Астана» командасы ел чемпионы болған еді. Ал «Қайсар» (Қызылорда) Премьер-лигадан кеткен еді. Оның орнына 1-лиганың жеңімпазы – Ақжайық (Орал) қатысады.

Мұрат СҰЛТАНҒАЛИЕВ