Аялдамалардағы табло әдемі-ақ, алайда әлі дәл емес

Кейбір қалалық аялдамаларға орнатылған электрондық таблолар наурызда жұмыс жасай бастайды.

«Қоғамдық көлікті интеллектуалдандыру» бағдарламасы аясында бюджет қаржысына 20 табло сатып алынды. Оған жергілікті уақыт, ауа температурасы, аялдаманың атауы, ең бастысы, маршруттар кестесі енгізіледі. Электронды таблоларды басбұзарлардан қорғау Атырау қалалық ІІБ-ге жүктелді.

Кейбір аялдамаларда осы аспаптарға ауа райы мен қозғалыстағы маршруттардың кестесі қазірдің өзінде енгізіле бастады, қалалықтар таблода көрсетілген уақыт автобустардың келу уақытымен сәйкес келмей жатады деп шағым айтуда. Қалалық ТКШ бөлімі мамандарының айтуынша, қазіргі уақытта қосу-баптау және бағдарламалық қамтамасыз ету жұмыстары жүріп жатыр.

Зульфия ИСКАЛИЕВА