Берлинде шабуыл жасау күдігімен екі адам ұсталды

Берлин полицейлері. (Көрнекі сурет). Берлин полициясы "мемлекетке қатер төндіретін үлкен зорлық-зомбылық әрекетін жасауға дайындалып жүрген" деген күдікпен екі адам ұсталғанын хабарлады.

DPA агенттігінің ақпаратына қарағанда, ұсталғандар "Ислам мемлекеті" экстремистік тобының ықпалына түскен".

Германиялық ақпарат құралдарының хабарлауынша, ұсталғандардың бірі - Сирия, екіншісі Тунис азаматы. Күдіктілер полицияның екі жерге, оның ішінде ислам мәдени орталығына жасаған рейді кезінде ұсталған.

Полиция "Берлинде зорлық-зомбылық актісін жасау" белгілері болмағанын айтады.

Кейбір ақпараттар бойынша, полиция рейдті елдің солтүстік-батысындағы Дортмунд қаласында шабуыл жасалуы мүмкін деген ақпарат бойынша жасаған.

Германия канцлері Ангела Меркель 25 қарашажа 13 қарашада Парижде ИМ содырлары жасаған терактілерден соң Германиядағы террорлық қауіп-қатер әлі де ең жоғары деңгейде тұрғанын мәлімдеген.

Дереккөз: Азаттық радиосы