​Ет өңделу керек

- Бруцеллез ауруын жұқтырған сиыр малының етін қайнатса, зияндылығын жоятыны рас па?

Телефон арқылы

Бұл сұраққа облыстық тұтынушылар құқығын қорғау департаментінен жауап берді:

- ҚР Үкіметінің 2013 жылғы 8 тамыздағы №814 «Ветеринарлық (ветеринар-санитарлық) ережені бекіту туралы» қаулысының 1062 тармағында малды тексеру кезінде «Бруцеллез» ауруына оң нәтиже табылған жағдайда малды сойып, етін өңдеуге болатындығы көрсетілген: «Қолайлы аймаққа жаңадан келіп түскен жануарларды (оның ішінде асыл тұқымды) Кеден одағының талаптарына сәйкес кемінде күнтізбелік 21 күн ішінде қалған жануарлардан оқшау ұстап, (профилактикалық бақылау) бруцеллезге, ал, аталық қошқарларды инфекциялық эпидидимитке диагностикалық зерттеулерден өткізу қажет.

Бруцеллезге оң нәтиже алынған жағдайда жануарларды кейіннен сою және пісірілген шұжықтар мен консервілік бұйымдарға өнеркәсіптік өңдеу үшін жеткізушіге қайтарып береді».