Атыраудың екі тұрғыны Каспийде жоғалып кетті

Туыстары олардың жоғалғандығы туралы ресми арызбен 23 мамырда кешкісін шағымданған. Жоғалғандардың бірінің бауырының айтуынша, ол досымен бірге 21 мамырда моторлы қайықпен Жайық бойымен Каспий теңізіне бет алған екен.

Жедел іздестіру шарасы басталды. ТЖД баспасөз қызметінің ақпараты бойынша, «Казавиаспас» РМК-нің МИ-8 тікұшағы әуеге көтерілген. Оның бортында ТЖД қызметкерлері, «Апаттық медицина орталығының» фельдшері, «Батыс өңірлік аэромобильді апаттан құтқару жасағы» ММ құтқарушылары болды. Судан құтқару қызметтері су бетінен іздеу жүргізеді. Іздеу жұмыстары әлі жалғасуда, бірақ әзірге жоғалғандар табыла қойған жоқ.

Зульфия БАЙНЕКЕЕВА