Аудан жаңалықтары

Балалар. Жаз. Каникул

Исатай аудандық білім бөлімінен хабарлағандай, жазғы демалыс кезінде аз қамтылған, жетім, жартылай жетім 48 бала Железноводскідегі «Қазақстан геологы» пансионатында демалады және 2 бала Италияға барады.

Тағы 580 бала мектептердің жанындағы лагерьлерде демалады. Забурын ауылындағы мектепте ашылатын емдеу-сауықтыру лагерінде туберкулезге бейім 75 бала демалады.

***

Балабақшалар болады

Жылыой ауданындағы Тұрғызба, Ақкиізтоғай, Шоқпартоғай, Қосшағыл ауылдарының әрқайсысында 160 орындық балабақша құрылысы басталды.

Мердігерлер құрылысты биыл бітіруді жоспарлап отыр.

***

Тасқынға - тосқын

Индер ауданы Есбол ауылында су тасқынына қарсы оқу жаттығу шарасы өтті.

Бұған 300-ге жуық адам және 30 техника қатысты. Шара барысында 2800 метр бөгетті көтеріп, тұрғындарды эвакуациялап, алғашқы дәрігерлік көмек көрсетілді.

***

Бәйгетөбенің бас жоспары

Мақат аудандық әкімдігінде Бәйгетөбе ауылдық округінің бас жоспары талқыланды.

Онда инженерлік-транспорттық инфрақұрылымын дамыту, әлеуметтік нысандар орналастыру, тұрғын үй құрылысы, абаттандыру мәселелері сөз болды.

***

Аула жолдары жөнделеді

Мақат кентінде биыл көпқабатты үйлердің алдындағы жолдар мен тротуарларды жөндеу жұмыстары басталады.

Бұған бюджеттен 300 млн теңге бөлінді. Мердігер - «АИС» ЖШС.

***

Асфальттағы миллиондар

Доссор кентінің тоз-тозы шыққан 11 шақырым жолын жөндеуден өткізу жоспарланып отыр.

Қазір жөндеу жұмысының жобалық-сметалық құжаттамасы дайын. Оны жасақтауға бюджеттен 18 млн теңге бөлінген болатын.