Әкім сәттілік тіледі

25 мамырда Атырау қаласының әкімі Нұрлыбек ОЖАЕВ мектеп түлектерімен – ерекше үлгідегі аттестат пен «Алтын белгі» алуға үміткерлермен кездесіп, оларға ҰБТ-да сәттілік тіледі.

Биыл Атырау қаласының мектептерін 1 855 түлек тәмамдады. ҰБТ-ға қатысуға 1 451 бала өтінім берді. 12 түлек халықаралық ғылыми жобалардың жүлдегерлері атанған, бұл оларды автоматты түрде тестілеуден босатады. Ерекше үлгідегі аттестатқа 15 адам, «Алтын белгіге» 23 адам үміткер.

Атырауда Бірыңғай ұлттық тестілеу АМУ жанындағы базалық филиалда 2, 4 және 6 маусымда өткізіледі.

Зульфия ИСКАЛИЕВА