Күдіктілер саны 40-қа жетті

Атырауда лаңкестік актіні әзірлеуге қатысы бар күдіктілер саны қырық шақты адамға жетті.

Бізге бүгін облыстық соттың баспасөз хатшысы Боранбай ҒАЛИЕВ хабарлағандай, тергеу жорамалы бойынша, Атырау облысы мен еліміздің басқа аймақтарында теракт әзірлеп жатқан экстремистік топтың құрамында болған 39 күдікті қамауға алынған. «Топтың он бір мүшесін сырттай  қамауға алуға шешім қабылданды, өйткені оларға халықаралық іздеу жарияланды», - деп атап өтті Б.Ғалиев.

Естеріңізге салайық, тамыз айының аяғында күдіктілер қамауға алына бастап, олардың бірі ұстау кезінде қаза болған еді.

Лев ГУЗИКОВ