Обаманың POTUS аккаунты әлемдік рекорд орнатты

Twitter әлеуметтік желісінен жеке аккаунтын ашып, қысқа уақытта 1 миллионнан астам дос жинаған АҚШ президенті Барак Обама әлемдік рекорд орнатты, деп хабарлайды Bnews.kz.

Бұл тіркелушілер бас-аяғы 5 сағаттың ішінде жиналған. Осы оқиғаға орай Twitter Government (@gov) аккаунты Обаманың @POTUS парақшасына қай мемлекеттің адамдары жазылғанын көрсететін арнайы анимациялық картаны жариялады.

АҚШ басшысының @BarackObama атты тағы бір аккаунты бар, бұл парақшада 60 млн адам тіркелген. Бұл парақшаларды президенттің көмекшілері бақылап отырады, ал Обама өз парақшасын өте сирек пайдаланады.

Естеріңізде болса, Барак Обама Twitter әлеуметтік желісінен POTUS (President of the United States) атты акаунтын ашқанын бұған дейін жазған болатынбыз. Бұл аккаунтқа қазіргі уақытқа дейін 2 миллионнан астам адам тіркелді.

Дереккөз: bnews.kz