​Қызыл Жарты ай Қоғамы арқылы көмектесуге болады

Осы қайырымдылық ұйымының Атырау филиалында 12 мамырда нөсер жауыннан зардап шеккен атыраулық тұрғындарға гуманитарлық көмек қабылдау бекеті ашылды. ТЖД деректері бойынша, барлығы 508 отбасы зардап шеккен.

- Біз әлеуметтік желілер арқылы қала тұрғындарына осы зардап шеккен адамдарға қолдан келер көмектерін көрсету туралы хабарлар тараттық. Суға кеткен үйлер тұрғындарының көпшілігі ең қажетті заттарынан айырылған. Бүгінде оларға көрпе-көпшік, төсек жаялықтары, гигиена құралдары, азық-түлік және киім керек, - дейді ҚР ҚЖҚ Атырау облыстық филиалының директоры Айгүл ҚҰЛТАНОВА. – Шыны керек, атыраулықтар белсенді емес. Телефон соғады, сұрайды, бірақ бірен-сараны ғана келеді. Көпшілігі әлеуметтік желілер арқылы бастамашыл топтарға бірігіп, зардап шеккендерге өз беттерінше көмек көрсетіп жатқан сияқты. Бүгінгі таңда NCOC қызметкерлері үлкен көмек көрсетті. Олар азық-түліктер сатып алып, біздің қабылдау бекетімізге әкеліп тастады. Еріктілер барлығын жинақтап, орап қойды, енді жақын уақытта мұқтаждарға таратылатын болады. Сонымен қатар, алматылықтар да көмек қолын созып жатқанын естідік, олар ҚЖҚ-ның Алматы филиалы арқылы гуманитарлық жүк жинапты. Ол Атырауға жақын арада келеді.

Зардап шеккен қалалықтарға көмектескісі келетіндер Островский көшесі, 4 «а» мекенжайында (ТЖД қасындағы Салауатты өмірді қалыптастыру орталығының ғимараты) орналасқан ҚЖҚ Атырау филиалының кеңсесіне хабарласуға болады. Тел: 8 778 180 08 12

Тамара СУХОМЛИНОВА