АҚШ Иранның ядролық бағдарламасын тоқтатуды көздеп отыр

АҚШ Иранның ядролық бағдарламасының кемі 10 жылға тоқтатылуын қалап отыр. Ақ үй басшысы Барак Обаманың мәлімдеуінше, Иран бұл ұсыныспен келіссе, Тегеранның ядролық бағдарламасын бақылауға қатысты келіссөздер түрлі санкциялар мен кез келген әскери әрекеттен тиімдірек болмақ.

Барак Обама, АҚШ президенті: - Біздің мақсатымыз – Иранның ядролық қару шығаруына тосқауыл қою. Ирандықтар келіссөз кезінде өздерін жақсы жағынан көрсетті, оны мойындау керек. Өз басым олардың ішкі саясатын құрметтеймін. Тегеранның бірден келісетініне күмәнім бар, дегенмен осыдан бірнеше ай бұрынғы кезеңмен салыстырғанда, қазір бір мәмілеге келуге жақын тұрмыз.

Дереккөз: 24.kz