Әйел тек ішімдікті ұрлаған

Полицейлер қала супермаркеттерінен қымбат спиртті ішімдіктерді ұрлаған әйелді қолға түсірді.

ІІД баспасөз қызметінен хабарлағандай, күдіктінің тамыздың 2-сі мен 6-сы аралығында оншақты ұрлық жасағаны анықталды. Және ұрлықтың бәрі де «Атаба» супермаркеттер желі-сінде орын алған. Жас әйел Батыс Қазақстан облысының Ақсай қаласынан келген. Ол супермаркеттен екі-үш шөлмек спиртті ішімдіктен білдірмей шығарып отырған. Ал бір күні бірден сегіз шөлмекті шығарып тайып тұрған. Қазір оған қатысты «Ұрлық» бабы бойынша қылмыстық іс қозғалды. Күдікті басқа жаққа кетіп қалмау туралы қолхатпен босатылды.

Лев ГУЗИКОВ