Құжат машақаты

– Мамыр айында қалалық жер қатынастары бөліміне Верхняя Садовая көшесіндегі үйді рәсімдеуге құжаттар тапсырған едім. Маған қолхат берді, бірақ құжаттарды әлі алған жоқпын. Неліктен ұзаққа созылып кетті?

Пётр Щапов

Қалалық жер қатынастары бөлімінің бас маманы Анар ДӘУЛЕТЬЯРОВА жауап берді:

– Далалық тексеру актісі мен П.Щаповтың өтінішінің негізінде 2014 жылғы 15 қазанда әкімнің жер телімінің шекарасын нақтылау туралы №1243 қаулысы шықты. Енді үйді заңдастыру үшін азаматқа Халыққа қызмет көрсету орталығына барып, тұрғын үйдің төлқұжатын рәсімдеуге құжаттар тапсыру керек. Төлқұжатты алғаннан кейін қабылдау актісі берілетін болады.