Атырау, 29 наурыз 11:53
 ашықВ Атырау +10
$ 448.15
€ 483.46
₽ 4.86

Total басшысы ұшағының апатына қатысты іс бойынша "Внуково" қызметкерлері ұсталды

1 404 просмотра

Фото: ria.ruФото: ria.ruМәскеудің "Внуково" әуежайының төрт қызметкері Total француз мұнай компаниясының басшысы Кристоф де Маржери қаза тапқан ұшақ апаты ісі бойынша күдікті ретінде ұсталды, - деп хабарлайды РИА Новости.

РФ Тергеу комитетінің ресми өкілі Владимир Маркин "Внуково" әуежайының қар тазалау жұмыстарына жауапты аэродром қызметінің жетекші инженері Владимир Леденев, әуежайдың ұшуларды басқарушысы Роман Дунаев, әуежайдың диспетчер-стажері Светлана Кривсун және апат кезінде "Внуково" әуежайының ұшу қозғалыстарына жетекшілік еткен диспетчер Александр Круглов ұсталғанын мәлімдеді.

Ұсталғандардан күдікті ретінде жауап алынды. Тергеушілердің пікірінше, бұл қызметкерлер ұшулар мен жерүсті жұмыстарының қауіпсіздігін қамтамасыз етпеген, бұл жайт қайғылы оқиғаға соқтырды.

Falcon жеке ұшағы 21 қазанға қараған түні апатқа ұшыраған еді. Төрт адам қаза тапты: Total мұнай-газ концернінің басшысы Кристоф де Маржери және экипаждың үш мүшесі. Ұшақ апатына ұшу жолағында оның қар тазалаушы машинамен соқтығысуы себеп болды.

Дереккөз: tengrinews.kz
23 қазан 2014, 10:56

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.