Иманғали Тасмағамбетов Қорғаныс министрі болып тағайындалды

Фото: pravdakaz.infoБүгін президент Н. Назарбаев Астана қаласы әкімдігіне келіп, қала әкімі ТАСМАҒАМБЕТОВ Қазақстан Республикасының Қорғаныс министрі болып тағайындалғанын хабарлады. Содан кейін, әкімдік ұжымына жаңа Астана әкімін таныстырған соң, Иманғали Тасмағамбетовпен бірге Қорғаныс министрлігіне кетті. Тағайындау туралы ресми хабарлама бірер сәттен кейін жарияланады деп күтілуде.

Қорғаныс ведомствосының басшылығын ауыстыру себептері туралы тек бір ғана нұсқа – соңғы геосаяси өзгерістерге байланысты елдің қорғаныс қабілетін нығайту және реформалау қажеттілігі - талқыға салынуда.

Жасұлан КӨЖЕКОВ, меншікті тілші, Астана қ.