Күтім жасауға ақша қажет

10 қыркүйекте облыстық мәслихаттың 24-ші сессиясында көгалдандыру шаралары туралы қала әкімі Нұрлыбек ОЖАЕВ баяндама жасады.

Оның айтуынша, ағымдағы жылда Атырау қаласының көшелерінде 2 419 шаршы метр гүлзарлар мен 5 263 шаршы метр бұталар қоршауы отырғызылған. Осы мақсатта 77,4 млн теңге жұмсалыпты. Мұнымен қатар қала мен қала маңындағы поселке көшелерін көгалдандыруға 170 млн теңге бөлінген.

Мэр депутаттардан жасыл көшеттерді ағымдық күтім жасауға бөлінетін қаржыны көбейтуді өтінді. Өйткені осы бағдарлама бойынша қаржыландыру көлемі бірнеше жыл бойына өзгермеген. Ал жас ағаштарды отырғызу алаңы 4,8 есеге, тірі қоршаулар бұтасы мен газондар алаңы 3,4 есеге артқан.

Мұрат СҰЛТАНҒАЛИЕВ