Атырау, 29 наурыз 13:46
 ашықВ Атырау +4
$ 448.15
€ 483.46
₽ 4.86

Джордж Крол АҚШ-тың Қазақстандағы елшісі қызметіне ұсынылды

2 423 просмотра

Бүгін АҚШ сенатының мақұлдауына АҚШ-тың Еуропа, Азия және Африканың бірнеше мемлекетіне тағайындалатын елшілерінің кандидатуралары ұсынылады. Сенаттың халықаралық істер комитетінің хабарлауынша, АҚШ-тың Қазақстандағы елшісі болып Джордж Крол тағайындалуы мүмкін.

58 жастағы Крол АҚШ-тың Өзбекстандағы елшісі қызметін атқарады. Бұған дейін ол Беларусьте елші, АҚШ мемлекеттік хатшысының Оңтүстік және Орталық Азия істері бойынша орынбасары болған.

АҚШ-тың Қазақстандағы бұған дейінгі елшісі Кеннет Фэйрфакстің өкілеті 2013 жылдың қыркүйегінде аяқталған. Қазір Қазақстандағы уақытша сенімді уәкіл міндетін Джон Ордвей атқарады.

Сенат бүгін бұған қоса АҚШ-тың Түркіменстан, Молдова, Франция, Түркия, Гватемала, Руандадағы елшілерінің кандидатураларын қарастырмақ. Бұған дейін АҚШ-тың Өзбекстандағы елшісі қызметіне Памел Спратленнің кандидатурасы ұсынылғаны хабарланған.

Дереккөз: Азаттық радиосы

29 шілде 2014, 16:46

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.