Жағажайдағы балықшылар

- Демалыс күндері жағажайға барып суға түскіміз келген, ол жерде балықшылар толып жүр екен. Мен қармаққа түсіп қаламын деп қорқып, баламмен бірге суға түспедім. Неге жағажай иелері тәртіпті қадағаламайды?

Сұраққа «Сәрсекен» ЖК басшысы Қалыбай СӘРСЕКЕН жауап берді:

- Өткен жылы ЖК Жилгородоктағы және қалалық ДСК маңындағы екі жағажайды өз басқаруына алды. Биыл суға түсу маусымы әлі ашылған жоқ, ТЖ департаменті рұқсат бермей отыр: ағыс әлі де болса қатты, су лай. Жақында өткен қалалық әкімдіктегі жиналыста ТЖ өкілдері суға түсу маусымын ашуды 5 шілдеге дейін қоя тұруға кеңес берді.

Шартқа сәйкес, жағажай аумағында ТЖ қызметкерлері суда қайықпен, құрғақта арнайы бағаналар үстінде кезекшілік атқаратын болады. Суға түсу маусымы ашылғаннан кейін біздің күзетшілерімен жағажай аумағында балық аулауға жол бермейді.