Амангелді ауылының маңындағы Атырау-Дамбы тас жолында полицейлер 23 жастағы Атырау қаласының тұрғыны жүргізіп келе жатқан «Приора» көлігін тоқтатты. Көліктің жүк салғышынан көлікті жууға арналған пластик шелектің түбінен 2 келі қара уылдырық табылды. Тексеру жүргізілуде. Уылдырық тәркіленді.
***
Полицейлер Атырау-Астрахан тас жолының бойындағы өндірістік базада 31 наурызда қарақшылық жасады деп күдіктелген үшеуді ұстады. Қаскөйлер күзетшіні ұрып-соғып, оның қалтасынан 800 теңгесін алып, базадан 400 мың теңгелік құрылыс материалдарын алып кеткен. Үшеуі де Махамбет ауданының Алмалы селосының тұрғындары.
***
Сәуірдің 28-де кешкісін қаладағы мейрамханалардың бірінде мангал қатты түтіндеген. 101 пультіне сағат 17.56-да хабарлама келіп түсті. Оқиға орнына бір өрт сөндіру машинасы жетіп, түтінді өшірді. Бұл кезде мейрамханада келушілер болмаған.
***
Полиция Қызылқоға ауданының Миялы селосынан ГАЗ-53 жүк көлігінің 25 жастағы жүргізушісін ұстады. Ол биліктің рұқсатынсыз өз үйінің ауласына Ойыл өзенінің жағасынан екі рейс топырақ төгіпті. Тексеру жүргізілуде.
***
Соңғы екі күнде «Құқықтық тәртіп» операциясының шеңберінде облыс бойынша 40 қылмыс тіркелді. Оның 26-сы, сондай-ақ, бұрын жасалған тағы 8 қылмыс ашылды. Үш адам суық қару ұстап жүргені үшін, екі адам – есірткі (марихуана) сақтағаны үшін ұсталды. 1 575 әкімшілік құқықбұзушылық анықталды, соның ішінде 84-і - кәмелетке толмаған жасөспірімдердің сағат 23-тен кейін көшеде жүруі, 32-сі – ішімдік ішіп көлік жүргізу бойынша.
***
Сәуірдің 29-да кешкісін Атырау-Пешной тас жолында су полициясы «Лада» көлігін тоқтатты, оның жүксалғышынан 32 келі бекіре еті салынған полиэтилен сөмке табылды. Тексеру жүргізілуде.