Ресей Каспий теңізіндегі әскерін тік тұрғызды

1 709 просмотра

Ресей Федерациясы Каспий теңізіндегі флотилиясының әскери дайындығын күтпеген жерден тексеруге кірісті, деп хабарлайды Tengrinews.kz тілшісі Ресейлік ақпарат агенттігіне сілтеме жасап.

"Каспий флотилиясында қолбасшы вице-адмирал Сергей Алекминскийдің жетекшілігімен кеме күштерінің әскери дайындығын кенеттен тексеру жұмысы басталды. Оның аясында тактикалық жаттығулардан сынақ тапсырылады", - делінген Ресейдің Оңтүстік әскери округының ресми хабарламасында.

Жеті күнге созылатын тактикалық оқуларға ондаған тралдар, катерлер мен кемелер, сондай-ақ 400-ден астам теңізші қатысуда. Олар Еділ-Каспий каналымен 350 мильді жүріп өтіп, теңізге кіруі тиіс. Сол жерде әскери оқу-жаттығулар орындалады.

Дереккөз: tengrinews.kz

23 сәуір 2014, 11:54

WhatsApp арқылы хабар жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.