Жалған несие алған алаяқтар тұтылды

Қалалық сотта алаяқтар тобын айыптау бойынша қылмыстық іс қаралуда.

Қала прокурорының аға көмекшісі Аманжол ҚОҢЫРОВТЫҢайтуынша, әлдебір қаланың азаматшасы 2006 жылы құрамында төрт адамы бар сыбайлас қылмыстық топ құрған. Топ құрамында «Kaspi Bank» АҚ Атырау филиалының сараптамашысы да болған. Олар банк клиенттерінің құжаттары бойынша ұялы телефондар сатып алу үшін несиелерді рәсімдейді. Ал, бұл клиенттердің түсіне де кірмеген, ақшаны олар өздеріне иеленіп кеткен. Бұл  топ жарты жыл ішінде осындай 37 әрекетке барған. Банкке келтірілген залал 9 миллион теңгеге бағаланып отыр. Алаяқтардың қылмысы банк қызметкерлерінің клиенттеріне қарыздары бар екендігі туралы хабарлаған кезінде ашылып қалды.  Енді сот «Алаяқтық» және «Ұйымдасқан қылмыстық топты құру және басшылық жасау» баптары бойынша қылмыстық істі қарайтын болады.

Лев ГУЗИКОВ