"Актовегин" дәрісін қолдануға тыйым салынды

Елімізде "Актовегин" дәрісін қолдануға тыйым салынды. Ақтөбеде үш бірдей науқастың өлімінен соң бұл препараттың сапасына мамандардың өзі күмәнмен қарай бастады деп хабарлайды КТК арнасы.

Австриядан шығатын дәріні қазір ұлттық сараптама орталығы зерттеп жатыр. Қортындысы бір айдан соң шығады. Осыдан кейін ғана оның қаншалықты жарамды екені белгілі болмақ.

Ақтөбедегі емханалардың бірінде "Актовегин" тамшысымен егілген 3 зейнеткер қайтыс болған.

Тағы бір науқас ауыр халде облыстық ауруханада жатыр. Осы оқиғадан соң арнайы комиссия құрылып, тексеру жұмыстары әлі жалғасуда.

Дереккөз: КТК арнасы