Құлсары қаласында Газпром ықшам ауданындағы үй иесіне қарақшылық шабуыл жасалды.
Беттерін матамен жапқан екеу үйдің терезесін сындырып, ішке кірген. Олар үй иесін ұрып-соғып, ақша талап еткен. Бірақ, үйде ақша болмаған. Сол кезде қарақшылар әйелдің зергерлік бұйымдары мен ұялы телефонын алып, табандарын жалтыратқан. Кейін көп кешікпей оларды келесі күні полиция ұстаған.
- Екеуі де уақытша оқшауланған абақтыда отыр, - - дейдіЖылыой аудандық прокурорының орынбасары Жәнібек ҚАРАЖАНОВ. - Оларға ҚР ҚК 179-баптың 2-бөлігі «а, в, г» тармақтары бойынша («Қарақшылық, яғни бөтен мүлiктi ұрлау мақсатында адамдар тобының алдын ала сөз байласуы бойынша шабуыл жасау») қылмыстық іс көтерілді.
Ләззат ҚАРАЖАНОВА